आकर्षक वैदेशिक रोजगारीको लोभ देखाएर ठगी गर्ने दुई जना पक्राउ
-
माहिर न्युज
- मङ्गल, ०९ असार २०८३
काठमाडौं । वैदेशिक रोजगारीका नाममा सर्वसाधारणलाई आकर्षक तलबको प्रलोभन देखाई रकम असुलेर सम्पर्कविहीन भएका दुई जनालाई प्रहरीले पक्राउ गरेको छ।
पक्राउ पर्नेमा गोकर्णेश्वर नगरपालिका–७ मा बसोबास गर्दै आएका बारा निजगढ नगरपालिका–१३ का ४९ वर्षीय सुरेश गिरी र ललितपुर महालक्ष्मी नगरपालिका–१ निवासी संखुवासभा चैनपुर नगरपालिका–३ का ७० वर्षीय वीरबहादुर श्रेष्ठ रहेका छन्।
प्रहरीका अनुसार सुरेश गिरीले एक जना पीडितलाई टर्कीमा रोजगारीको व्यवस्था गरिदिने आश्वासन दिँदै १ लाख ९० हजार रुपैयाँ लिएका थिए। त्यस्तै, वीरबहादुर श्रेष्ठले बेलायत पठाइदिने भन्दै अर्का एक पीडितबाट २ लाख रुपैयाँ उठाएका थिए। रकम लिएपछि दुवै जना सम्पर्कविहीन भएको भन्दै पीडितहरूले उजुरी दिएका थिए।
उजुरीपछि काठमाडौं उपत्यका अपराध अनुसन्धान कार्यालय, टेकुको टोलीले अनुसन्धान अघि बढाएको थियो। सो क्रममा सुरेशलाई काठमाडौं महानगरपालिका–१२ बाट तथा वीरबहादुरलाई ललितपुर महालक्ष्मी नगरपालिका–१ बाट पक्राउ गरिएको प्रहरीले जनाएको छ।
पक्राउ परेका दुवै जनालाई थप अनुसन्धान र कानुनी कारबाहीका लागि वैदेशिक रोजगार विभाग, ताहाचल पठाइएको छ।
सम्बन्धित खबर
जेनजी आन्दोलनपछि पहिलोपटक देउवा सार्वजनिक
२८ असोज, काठमाडौं । गत २४ भदौमा भएको जेनजी आन्दोलनपछि नेपाली कांग्रेसका सभापति शेरबहादुर देउवा पहिलोपटक सार्वजनिक भएका छन् ।
मंगलबार पार्टी के...
माइतीघरमै जम्मा भए एमाले प्रदर्शनकारी (तस्वीरहरू)
माइतीघरमै जम्मा भए एमाले प्रदर्शनकारी (तस्वीरहरू)१४ चैत, काठमाडौं । नेकपा एमालेका अध्यक्ष केपी शर्मा ओली पक्राउको विरोधमा प्रदर्शनमा उत्रिएका प्रदर्शनकारीहरू माइतीघरमा जम्मा भएका छन् ।
दिउँसो ३ बजेदेखि माइतीघर–बबरमहल क्षेत्रमा एमालेका कार्यक...
आजको मौसम कस्तो रहला ? आंशिक बदली रही बाँकी भूभागमा मौसम मुख्यतया सफा रहने
काठमाडौँ । हाल देशभर उल्लेखनीय मौसम प्रणालीको प्रभाव नरहेको जल तथा मौसम पूर्वानुमान महाशाखाले जनाएको छ । हाल देशको पहाडी भूभागमा आंशिक बदली रही बाँकी भूभागमा मौसम मुख्यतया सफा रहेको छ ।
महाशाखाका अनुसार आज दिउँसो सबै प्रदेशको पहाडी भूभागमा...
रोल्पामा दुई वटा सकेट बम फेला, सुरक्षाटोलीद्वारा नियन्त्रणमा
रोल्पाको परिवर्तन गाउँपालिका–३ बागमारा क्षेत्रमा दुई वटा सकेट बम फेला परेका छन्। पाछावाङ खोलामा जाली लगाउनका लागि खन्ने क्रममा मंगलबार बिहान मजदुरहर...
काठमाडौँका विभिन्न स्थानबाट नाबालिकामाथि यौनशोषणमा संलग्न ५ जना पक्राउ
काठमाडौँ— नाबालिकालाई जबर्जस्ती यौनशोषणको कार्यमा लगाउने कसुरमा संलग्न भएको आरोपमा काठमाडौँ उपत्यकाका विभिन्न स्थानबाट पाँच जना पक्राउ परेका छन्। काठमाडौँ उपत्यकामा रहेका विभिन्न डान्सबार, क्लब, खाजाघर, स्पा सेन्टर तथ...
