सङ्खुवासभामा पहिरोको कहर : तीन परिवार सुरक्षित स्थानमा सारिए
सङ्खुवासभा । लगातारको वर्षासँगै आएको पहिरोले सङ्खुवासभाका विभिन्न क्षेत्रमा जनधन तथा कृषि क्षेत्रमा क्षति पुर्याएको छ। पहिरोको जोखिम बढेपछि तीन परिवारलाई सुरक्षित स्थानमा स्थानान्तरण गरिएको छ।
जिल्ला प्रहरी कार्यालय सङ्खुवासभाका अनुसार सभापोखरी गाउँपालिका–१ धुपुका धनबहादुर विश्वकर्मा र शान्तिराम पोखरेलका परिवार पहिरोको उच्च जोखिममा परेपछि सुरक्षित स्थानमा सारिएका छन्। विश्वकर्माको दुईतले घरको पछाडिको भाग पहिरोले क्षति पुर्याएको छ भने पोखरेलको घरसमेत जोखिममा परेको बताइएको छ।
त्यसैगरी खाँदबारी नगरपालिका–६ खानीडाँडाका यारबहादुर तामाङको परिवारलाई पनि सम्भावित जोखिमका कारण घरबाट अन्यत्र सारिएको छ। स्थानीय तह र सुरक्षाकर्मीको समन्वयमा प्रभावित परिवारलाई तत्काल सुरक्षित स्थानमा व्यवस्थापन गरिएको प्रहरीले जनाएको छ।
हाल विस्थापित परिवारहरू छिमेकीको घरमा आश्रय लिएर बसिरहेका छन्। पहिरोले धुपु क्षेत्रमा कृषियोग्य जमिनसमेत पुरिएको छ। स्थानीय किसान राजन राई, कर्ण राई र अम्बर राईले धान रोपाइँको तयारी गरिरहेको खेत पहिरोले कटान तथा पुरिएको जानकारी प्राप्त भएको छ।
धुपु प्रहरी चौकीबाट खटिएको टोलीले जोखिममा रहेका बासिन्दाको उद्धार तथा सुरक्षित स्थानमा स्थानान्तरण गर्ने कार्यलाई निरन्तरता दिएको छ। लगातार वर्षा भइरहेकाले थप सतर्कता अपनाउन स्थानीय प्रशासनले आग्रह गरेको छ।
एक्सप्रेस
सम्बन्धित खबर
सामान्य प्रशासनमन्त्री गुप्तालाई हटाउने तयारी
हुम्लाको नेप्का गाउँमा बाढी–पहिरोको वितण्डा, विद्यालयदेखि खेतीबालीसम्म व्यापक क्षति
हुम्लाको चंखेली गाउँपालिका–५ स्थित नेप्का गाउँमा मंगलबार रा...
होलीले समाजमा विद्यमान विभिन्न प्रकारका विकृति, विसङ्गति एवम् कुरीतिलाई निर्मूल गर्दै मौलिक संस्कृतिको संरक्षण र संवर्द्धन गर्ने प्रेरणा मिलोस् - राष्ट्रपति पौडेल
होलीले समाजमा विद्यमान विभिन्न प्रकारका विकृति, विसङ्गति एवम् कुरीतिलाई निर्मूल गर्दै मौलिक संस्कृतिको संरक्षण...
आजबाट तिहार सुरु, यमपञ्चकको पहिलो दिन काग तिहार मनाईदै
काठमाडौँ । कार्तिक कृष्ण त्रयोदशीदेखि सुरु हुने नेपालीको दोस्रो ठूलो चाड यमपञ्चक अर्थात् तिहार आजदेखि सुरु हुँदैछ । बिहान सूर्योदयकालमा त्रयोदशी भएको आज काग तिहार मनाउनुपर्ने निर्णय गरिएको नेपाल पञ्चाङ्ग निर्णायक विकास...
लेखकको गृहजिल्ला कञ्चनपुर कांग्रेसले बोलायो बैठक
१४ चैत, काठमाडौं । नेपाली कांग्रेस कञ्चनपुरले आकस्मिक बैठक बोलाएको छ । पूर्वगृहमन्त्री रमेश लेखकलाई गरिएको पक्राउको विषयमा छलफल गर्न कांग्रेस कञ्चनपुरले आकस्मिक बैठक बोलाएको हो ।
जिल्ला सचिव भीम भट्टले शनिबार दिउँसो साढे ३ बजेका लागि आकस्मिक...
ऐतिहासिक रेकर्डमा सुनको भाउ
काठमाडौँ । नेपाली बजारमा साताको पहिलो दिन आइतबार सुनको मूल्य हालसम्मकै उच्च विन्दुमा पुगेको छ । आइतबार छापावाला सुनको भाउ प्रतितोला दुई लाख ५८ हजार आठ सय रुपैयाँ पुगेको नेपाल सुनचाँदी रत्न तथा आभूषण महासंघले जनाएको छ । शुक्रबारको तुलनामा आइतबार सु...



