काठमाडौँ । नेपाली कांग्रेसका नेता डा शेखर कोइरालाले संविधानलाई ट्र्याकमा ल्याउन फागुन २१ गते निर्वाचन गर्नुको विकल्प नभएको बताएका छन् । बुधबार विराटनगरमा सञ्चारकर्मीहरूसँग कुरा गर्दै नेता कोइरालाले सरकार बनेदेखि नै संविधान ट्र्याकबाहिर गएको बताए । उनले भने,फागुन २१ गते निर्वाचन नभए झन् ठूलो संवैधानिक सङ्कट आउनेछ । यसैले कांग्रेसले निर्वाचनमा जोड दिएको हो ।

कोइरालाले सरकारको आलोचना गर्दै भने, तोकिएको समयमा निर्वाचन गराउने हाम्रो आकांक्षा थियो, तर सरकारले निर्वाचनको वातावरण बनाउन सकेको छैन। उनले थपे, यदि निर्वाचन नभए संसद पुनर्स्थापनाको सम्भावना बलियो हुनेछ। नेता कोइरालाले आगामी महाधिवेशनमा आफू सभापतिको उम्मेदवार हुने कुरा स्पष्ट गरे । उनले नेपाली कांग्रेसको विधानअनुसार शेरबहादुर देउवा पुनः सभापतिको उम्मेदवार हुन नमिल्ने बताएका छन् ।