मङ्गल, ०३ चैत २०८२
Mahir News add
Mahir News add

रास्वपा म्याग्दीका तीन पालिकामा नयाँ नेतृत्व चयन, अन्यमा अधिवेशन जारी

Main News Image
Mahir News add

राष्ट्रिय स्वतन्त्र पार्टी (रास्वपा) म्याग्दीले जिल्लाका ६ स्थानीय तहमध्ये तीन वटा पालिकामा नयाँ नेतृत्व चयन गरेको छ। जिल्ला उपसभापति छवी आचार्यका अनुसार बेनी नगरपालिका, रघुगङ्गा गाउँपालिका र मङ्गला गाउँपालिकामा पालिका स्तरीय नेतृत्व टुंगो लागेको हो।

जिल्लाका ४५ वडामध्ये हालसम्म २५ वडामा वडा अधिवेशन सम्पन्न भई नयाँ नेतृत्व चयन भइसकेको पनि उनले जानकारी दिए।

बेनी नगरपालिकाको प्रथम नगर अधिवेशनबाट सभापतिमा राजबहादुर केसी चयन भएका छन्। उपसभापतिमा यादव सुवेदी, सचिवमा काशिराम घिमिरे र सहसचिवमा जमुना केसी चयन भएका छन्। कुल ९ सदस्यीय कार्यसमिति गठन गरिएको छ। अन्य पदहरू सर्वसम्मत भए पनि सभापति पदमा सहमति नजुटेपछि मतदानमार्फत निर्णय गरिएको उपसभापति आचार्यले बताए।

यस्तै, रघुगङ्गा गाउँपालिकाको प्रथम अधिवेशनबाट सभापतिमा डम्मरबहादुर पाण्डे चयन भएका छन्। उपसभापतिमा प्रकाश पाईजा, सचिवमा दलबहादुर कार्की र सहसचिवमा इमाकुमारी शाही रकाल चयन भएका छन्। सो पालिकामा पनि ९ सदस्यीय कार्यसमिति सर्वसम्मत रूपमा गठन गरिएको छ।

मङ्गला गाउँपालिकामा सभापतिमा प्रतिक सुवेदी, उपसभापतिमा मनबहादुर छन्त्याल, सचिवमा हरी आचार्य र सहसचिवमा भिमकली सुनार चयन भएका छन्। अधिवेशनमार्फत जिल्लाबाट ३ जना जिल्ला अधिवेशन प्रतिनिधि, १ जना प्रदेश अधिवेशन प्रतिनिधि र १ जना केन्द्रीय महाधिवेशन प्रतिनिधि पनि चयन गरिएको पार्टीले जनाएको छ।

अधिवेशन सम्पन्न नभएका अन्नपूर्ण, धवलागिरी र मालिका गाउँपालिकामा जिल्ला अधिवेशनपछि पालिका अधिवेशन गरिने बताइएको छ।

आगामी जेठ २३ गते शनिबार प्रथम जिल्ला अधिवेशन हुने रास्वपाले जनाएको छ। साथै, पार्टीले असार ७, ८ र ९ गते चितवनमा प्रथम केन्द्रीय महाधिवेशन गर्ने तयारी गरिरहेको छ।

 

Mahir News add

सम्बन्धित खबर

अहिले निर्वाचनबाहेक अर्को उत्तम विकल्प छैन : प्रचण्ड

चितवन । नेकपा माओवादी केन्द्रका संयोजक पुष्पकमल दाहाल प्रचण्डले अहिलेको अवस्थामा निर्वाचनबाहेक अर्को उत्तम विकल्प नरहेको बताएका छन् ।

बिहीबार चितवनमा आयोजित एक कार्यक्रममा प्रचण्डले देशको वर्तमान राजनीतिक अवस्थाले अब निर्व...

प्रतिनिधिसभा निर्वाचन ८१ दिन बाँकीः निर्वाचनको देशव्यापी माहोल बन्दै, राजनीतिक गतिविधि बढ्यो

काठमाडौँ । प्रतिनिधिसभाको निर्वाचन आउन अब मात्र ८१ दिन बाँकी छ । निर्वाचन आयोगले निर्वाचनका लागि आवश्यक तयारी गरिरहेको छ । आयोगले प्रत्यक्ष र समानुपातिकतर्फको दल दर्ताको प्रक्रिया सकाइसकेको छ । सरकारले पनि निर्वाचनका ल...

एमालेमा हलचल, तर खुल्न डर

आजको मौसम पूर्वानुमान अनुसार देशका विभिन्न स्थानमा वर्षा हुन सक्छ। सरकारले शिक्षा, स्वास्थ्य र पूर्वाधारमा नयाँ कार्यक्रम ल्याउने घोषणा गरेको छ। सामाजिक सञ्जालमा यो समाचार निकै चर्चामा आएको छ।

एमाले महाधिवेशनः १२ बजेसम्म ४ सय मत खस्यो

काठमाडौँ । नेपाल कम्युनिष्ट पार्टी एमालेको ११औं महाधिवेशनबाट नयाँ नेतृत्व छनोटका लागि अहिले मतदान भइरहेको छ । काठमाडौंको भृकुटीमण्डपमा जारी मतदानमा पार्टीको केन्द्रीय निर्वाचन आयोगले प्रबन्ध गरेको विद्युतीय भोटिङ मेसिन...

महेश बस्नेत पुग्ने भएपछि धनगढीमा प्रदर्शन

काठमाडौँ । नेकपा एमालेका पोलिट्ब्युरो सदस्य महेश बस्नेत कैलाली पुग्ने भएसँगै उनको विरोधमा धनगढीमा प्रदर्शन गरिएको छ । जेनजी युवाहरूले बुधबार बिहान धनगढी बजारमा प्लाकार्डसहित उनी विरुद्ध प्रदर्शन गरेका हुन् ।

वडाध्यक्षबाट मालिस गराउने गाउँपालिका अध्यक्षले दिए राजीनामा, कार्यपालिकाद्वारा स्वीकृत

जनकपुरधाम । वडाअध्यक्षबाट मालिस गराएर विवादमा आएका सप्तरीको अग्नीसाईर कृष्णासवरन गाउँपालिकाका अध्यक्ष दिनानाथ चौधरीले पदबाट राजीनामा दिएका छन् । उनको राजीनामा स्वीकृत समेत भएको छ । मंगलबार बसेको कार्यपालिका बैठकले राजीनामा स्वीकृत गरेको उपाध्यक्ष...