बालेन्द्र शाह सम्बन्धी विषयलाई लिएर विपक्षी दलहरूले लगातार प्रतिनिधिसभा बैठक अवरुद्ध गरेपछि सभामुख डीपी अर्याल प्रधानमन्त्रीसँग भेटवार्ताका लागि पुगेका छन्।

सिंहदरबारस्थित प्रधानमन्त्री तथा मन्त्रिपरिषद्को कार्यालयमा भएको भेटमा सभामुख अर्याल र प्रधानमन्त्रीबीच करिब आधा घन्टा संवाद भएको बताइएको छ। सभामुखको सचिवालयका अनुसार भेटमा पछिल्ला राजनीतिक तथा संसदीय घटनाक्रमबारे छलफल केन्द्रित भएको थियो।

प्रतिनिधिसभाको बैठक स्थगित गरेपछि प्रधानमन्त्रीलाई भेट्न पुगेका सभामुख अर्यालले अब विभिन्न राजनीतिक दलहरूसँग समेत परामर्श गर्ने तयारी गरेका छन्।