मङ्गल, ०३ चैत २०८२
Mahir News add
Mahir News add

हुम्लाको नेप्का गाउँमा बाढी–पहिरोको वितण्डा, विद्यालयदेखि खेतीबालीसम्म व्यापक क्षति

Main News Image

अडियोमा सुन्नुहोस्

Mahir News add

हुम्लाको चंखेली गाउँपालिका–५ स्थित नेप्का गाउँमा मंगलबार राति आएको बाढी–पहिरोले ठूलो जनधनको क्षति पुर्‍याएको छ। असिना र भारी वर्षासहित आएको बाढीले स्थानीयवासीका गोठ, विद्यालय भवन तथा खेतीयोग्य जमिनमा व्यापक असर गरेको स्थानीयले बताएका छन्।

स्थानीय छक्कबहादुर तामाङका अनुसार बाढीले डाँफे आधारभूत विद्यालयका भवनमा क्षति पुर्‍याउनुका साथै करिब १५ रोपनी खेतीयोग्य जमिनमा लगाइएको बाली नष्ट गरेको छ। वडा नम्बर ५ का वडाध्यक्ष हर्कधन तामाङ र स्थानीय धनसिंह तामाङका गोठ पहिरोले पुरिँदा ठूलो संख्यामा भेँडा–बाख्रा क्षति भएका छन्।

वडाध्यक्ष तामाङका अनुसार पहिरोले विद्यालयका तीन वटा भवन भत्काएको छ भने धनसिंह तामाङको बाख्रागोठ बगाउँदा ९३ वटा बाख्रा हराएका छन्। त्यस्तै, करिब ७० घरधुरीले लगाएको अन्नबाली पूर्ण रूपमा नष्ट भएको जनाइएको छ।

बाढीले खानेपानी आयोजनामा समेत क्षति पुर्‍याएको छ। ८ हजार घनमिटर क्षमताको पानी ट्यांकी र करिब ७ मिटर पाइप बगाएको स्थानीयले बताएका छन्। साथै, कादुरी संस्थाले निर्माण गरेको माइक्रोहाइड्रो आयोजनाको मुहान पनि बाढीले बगाएको छ।

डाँफे आधारभूत विद्यालय का प्रधानाध्यापक बलि तामाङका अनुसार विद्यालयको पाँच कोठे भवन पूर्ण रूपमा भत्किँदा कम्प्युटर, प्रिन्टर लगायतका शैक्षिक सामग्री नष्ट भएका छन्।

घटनापछि प्रमुख जिल्ला अधिकारी टेककुमार रेग्मीको नेतृत्वमा बुधबार अनुगमन टोली प्रभावित क्षेत्रमा पुगेको थियो। जिल्ला प्रहरी कार्यालय हुम्लाका प्रमुख डीएसपी शंकर खड्काका अनुसार सदरमुकाम सिमकोटबाट फिस्टेल हेलिकोप्टरमार्फत नेप्का पुगेर स्थलगत निरीक्षण गरिएको हो। अनुगमनका क्रममा बाढी–पहिरोले स्थानीयको जीविकोपार्जनमै गम्भीर असर पारेको देखिएको उनले बताए।

प्रहरी मुचुल्का टोलीसमेत दुर्गम भूगोलका कारण घटनास्थल पुग्न करिब ६ घण्टा लागेको बताइएको छ। गाउँपालिका केन्द्र पिप्लाङभन्दा टाढा रहेको नेप्का गाउँ पुग्न अझै पनि लामो पैदल यात्रा गर्नुपर्ने अवस्था रहेको स्थानीयले बताएका छन्।

 

Mahir News add

सम्बन्धित खबर

सामान्य प्रशासनमन्त्री गुप्तालाई हटाउने तयारी

उनले चलाउँदै आएको हरिहर कृषि तथा पशुपालन कम्पनी पहिले भक्तपुर कौशलटारभन्दा मुनि हनुमन्ते खोला नजिकै थियो । गत वर्ष असोज ११ मा सोही खोलामा बाढी आएर बस्न नसकिने भएपछि उनी अहिले सरेर राधेराधे पुगेका छन् । उनले गाई फार्म सञ्चालन गर्दै आएका छन् ‘म ठाउँ सर...

महाराजगञ्जमा पार्किङ गरिएको गाडीमा स्कुटर ठोक्किँदा युवकको ज्यान गयो

काठमाडौंको महाराजगञ्ज क्षेत्रमा रोकिराखिएको गाडीमा स्कुटर ठोक्किँदा ए...

सुर्खेतमा टिपरको ठक्करबाट २३ वर्षीय युवाको मृत्यु, चालक पक्राउ

भगवान शिव चाम्लिङ हुन सक्छन् : प्रधानमन्त्री ओली

उनले चलाउँदै आएको हरिहर कृषि तथा पशुपालन कम्पनी पहिले भक्तपुर कौशलटारभन्दा मुनि हनुमन्ते खोला नजिकै थियो । गत वर्ष असोज ११ मा सोही खोलामा बाढी आएर बस्न नसकिने भएपछि उनी अहिले सरेर राधेराधे पुगेका छन् । उनले गाई फार्म सञ्चालन गर्दै आएका छन् ‘म ठाउँ सर...

जनमत साहित्य वाटिका महिला कविगोष्ठी तथा सम्मान कार्यक्रम सम्पन्न !

मिडियाबाजी डटकम काठमाडौँ कात्तिक २६ । ललितपुर । जनमत वाङ्मय प्रतिष्ठानका अध्यक्ष ,जनमत साहित्यिक मासिकका प्रधान सम्पादक,नेपाल साहित्यिक पत्रकार सङ्घका केन्द्रीय अध्यक्ष तथा वरिष्ठ साहित्यकार मोहन दुवालको अध्यक्षता एवम्...

सन्दीप चम्किएपछि कतारमाथि नेपालको रोमाञ्चक जित

काठमाडौँ । नेपालले टी–२० विश्वकप छनोट अन्तर्गतको रोमाञ्चक खेलमा कतारमाथि विजयी हुँदै महत्वपूर्ण सफलता हात पारेको छ। खेलको क्रममा नेपाली टोलीका लेग स्पिनर सन्दीप लामिछानेले उत्कृष्ट प्रदर्शन गर्दै जितमा निर्णायक भूमिका खेले। उनको सटीक बलिङ र...