लुम्बिनी प्रदेशसभामा आजदेखि बजेटमाथि सैद्धान्तिक बहस सुरु

लुम्बिनी प्रदेशसभामा आर्थिक वर्ष २०८३/८४ को बजेटमाथि आजदेखि सैद्धान्तिक छलफल सुरु हुने भएको छ। प्रदेशसभा सचिवालयका अनुसार आज बस्ने प्रदेशसभाको दशौँ बैठकमा आगामी आर्थिक वर्षको राजस्व तथा व्ययको वार्षिक अनुमान (बजेट) माथि व्यापक बहस हुने कार्यसूची तय गरिएको छ।

बैठकमा आर्थिक मामिला तथा योजनामन्त्री धनेन्द्र कार्कीले बजेटमाथि सैद्धान्तिक छलफल गरियोस् भन्ने प्रस्ताव प्रस्तुत गर्नेछन्। त्यसपछि प्रदेशसभा सदस्यहरूले बजेटका विभिन्न पक्षबारे आफ्नो धारणा राख्नेछन्। छलफलका क्रममा उठेका जिज्ञासा तथा प्रश्नहरूको मन्त्री कार्कीले जवाफ दिने कार्यक्रम रहेको छ।

यसैबीच, मन्त्री कार्कीले आगामी आर्थिक वर्षका सेवा तथा कार्यक्रम सञ्चालनका लागि प्रदेश सञ्चित कोषबाट खर्च तथा विनियोजन गर्ने व्यवस्था सम्बन्धी विधेयक पनि सभामा पेश गर्नेछन्।

प्रदेश सरकारले प्रस्तुत गरेको बजेटमाथिको यो प्रारम्भिक बहसले आगामी वर्षका विकास योजना, प्राथमिकता र आर्थिक नीतिबारे प्रदेशसभामा विस्तृत छलफलको मार्ग प्रशस्त गर्ने अपेक्षा गरिएको छ।

एक्सप्रेस

सम्बन्धित खबर

एमालेले दर्ता गरेको प्रतिनिधिसभा विघटनविरुद्धको रिटमा कारण देखाऊ आदेश

काठमाडौँ । सर्वोच्च अदालतको संवैधानिक इजलासले एमालेले दायर गरेको प्रतिनिधिसभा विघटनविरुद्धको रिटमा कारण देखाऊ आदेश जारी गरेको छ । प्रधानन्यायाधीश प्रकाशमान सिंह राउतसहितको पाँच न्यायाधीशको इजलासले बुधबार सात दिनभित्र ल...

विद्यार्थीहरूका लागि छात्रवृत्ति घोषणा

उनले चलाउँदै आएको हरिहर कृषि तथा पशुपालन कम्पनी पहिले भक्तपुर कौशलटारभन्दा मुनि हनुमन्ते खोला नजिकै थियो । गत वर्ष असोज ११ मा सोही खोलामा बाढी आएर बस्न नसकिने भएपछि उनी अहिले सरेर राधेराधे पुगेका छन् । उनले गाई फार्म सञ्चालन गर्दै आएका छन् ‘म ठाउँ सर...