दोस्रो चरणअघि नै टुंगियो प्रतिस्पर्धा : शालिकराम घिमिरे बने रास्वपा लुम्बिनी प्रदेश सभापति

राष्ट्रिय स्वतन्त्र पार्टी (रास्वपा) को लुम्बिनी प्रदेश सभापतिमा शालिकराम घिमिरे निर्वाचित भएका छन्। छ जनाबीच भएको प्रतिस्पर्धामा उनले पहिलो चरणमै सर्वाधिक १९९ मत प्राप्त गरेका थिए।

पहिलो चरणको मतदानमा कुनै पनि उम्मेदवारले आवश्यक ५१ प्रतिशत मत प्राप्त गर्न नसकेपछि शालिकराम घिमिरे र उनका निकटतम प्रतिद्वन्द्वी गोपाल घिमिरेबीच दोस्रो चरणको मतदान हुने तयारी गरिएको थियो। गोपालले पहिलो चरणमा ८७ मत प्राप्त गरेका थिए।

तर दोस्रो चरणको मतदान सुरु हुनुअघि नै गोपाल घिमिरेले शालिकरामलाई समर्थन गर्ने घोषणा गरेपछि प्रतिस्पर्धा समाप्त भएको थियो। त्यससँगै शालिकराम घिमिरे लुम्बिनी प्रदेश सभापतिमा निर्वाचित भएको मुख्य निर्वाचन अधिकृत गोकुल सापकोटाले जानकारी दिएका छन्।

पहिलो चरणको मतपरिणामअनुसार रुपन्देहीका गणेश पौडेलले ८४, बाँकेका डा. राजकुमार सुवेदीले ८०, रुपन्देहीकी मञ्जु भुसालले ७१ तथा रुपन्देहीका मधुप्रसाद अर्यालले १९ मत प्राप्त गरेका थिए।

गएराति सम्पन्न मतदानमा कुल ५५२ मत खसेको थियो। गोपाल घिमिरेको समर्थनपछि दोस्रो चरणको मतदान आवश्यक नपरेको र सहमतिमै नेतृत्व चयन भएको हो।

एक्सप्रेस

सम्बन्धित खबर

शिक्षकहरुलाई सरकारले तोकेको न्युनतम पारिश्रमिक दिन स्थानीय सरकारलाई शिक्षामन्त्रीको आग्रह

काठमाडौँ । शिक्षा, विज्ञान तथा प्रविधि मन्त्री महावीर पुनले स्थानिय सरकारहरुलाई विद्यालय कर्मचारी र बाल शिक्षकहरुलाई सरकारले तोकेको न्युनतम तलव दिन आग्रह गरेका छन् । मंगलबार फेसबुकमा स्टेटस राख्दै उनले शिक्षामन्त्रालयल...

शोभा पाठक भन्छिन् : मन्त्री बनेका बब्लु गुप्ता पैसाका लागि जे पनि गर्छन्

काठमाडौँ । नवनियुक्त युवा तथा खेलकुद मन्त्री बब्लु गुप्तामाथि ‘पैसाका लागि जे पनि गर्ने’ आरोप लागेको छ । सामाजिक सञ्जालमा चर्चित शोभा पाठकले मन्त्री गुप्ताले आफूलाई एक्लै कोठामा राखेर धम्की दिएको बताएकी छन्...

सरकारले नयाँ नीति ल्यायो

उनले चलाउँदै आएको हरिहर कृषि तथा पशुपालन कम्पनी पहिले भक्तपुर कौशलटारभन्दा मुनि हनुमन्ते खोला नजिकै थियो । गत वर्ष असोज ११ मा सोही खोलामा बाढी आएर बस्न नसकिने भएपछि उनी अहिले सरेर राधेराधे पुगेका छन् । उनले गाई फार्म सञ्चालन गर्दै आएका छन् ‘म ठाउँ सर...