काठमाडौं । प्रतिनिधिसभाको बैठक शुक्रबार पनि सूचना टाँस गरेर स्थगित गरिएको छ। शुक्रबार दिउँसो १ बजे बस्ने तय भएको बैठक अब शनिबार बिहान ११ बजेका लागि सारिएको छ।

प्रतिनिधिसभा सचिवालयले जारी गरेको सूचनाअनुसार विशेष कारणवश तोकिएको समयमा बैठक सञ्चालन गर्न नसकिने भएपछि प्रतिनिधिसभा नियमावली, २०७९ को नियम ६ को उपनियम (३) बमोजिम सभामुखले बैठक शनिबार बिहान ११ बजे बस्ने गरी निर्धारण गरेका हुन्।

बैठक स्थगित हुनुको प्रमुख कारण राष्ट्रिय स्वतन्त्र पार्टी (रास्वपा) को महाधिवेशनको कार्यतालिका लम्बिनु रहेको बताइएको छ। त्यसकै प्रभावका कारण प्रतिनिधिसभाको नियमित बैठक प्रभावित भएको हो।