जिप दुर्घटनामा पर्वतका वडासदस्य पौडेलको ज्यान गयो
-
माहिर न्युज
- मङ्गल, १९ जेठ २०८३
पर्वत । कुश्मा नगरपालिका–१४ आर्थरडाँडाखर्कमा गएराति भएको जिप दुर्घटनामा एक जना वडासदस्यको मृत्यु भएको छ भने दुई जना घाइते भएका छन्।
जिल्ला
प्रहरी कार्यालय पर्वतका सूचना अधिकारी प्रहरी निरीक्षक दिनेश पौडेलका अनुसार वडा
कार्यालयबाट चरीपानीतर्फ जाँदै गरेको ग१ज ५८६५ नम्बरको जिप अँधेरीनेटा क्षेत्रमा
अनियन्त्रित भई सडकबाट करिब ५०० मिटर तल खसेको थियो।
दुर्घटनामा
कुश्मा–१४ का वडासदस्य ५२ वर्षीय केशवराज पौडेल गम्भीर घाइते भएका थिए। उनको टाउको
तथा शरीरका विभिन्न भागमा चोट लागेको थियो। तत्काल उपचारका लागि पोखरा लगिए पनि
अस्पताल पुगेपछि चिकित्सकले मृत घोषणा गरेका थिए।
उक्त
दुर्घटनामा जिप चालक २७ वर्षीय बुद्धिसागर पौडेल र ४६ वर्षीय राजेन्द्र पौडेल पनि
घाइते भएका छन्। दुवैको पोखरास्थित मणिपाल शिक्षण अस्पतालमा उपचार भइरहेको
प्रहरीले जनाएको छ।
प्रहरीले
दुर्घटनाको कारणबारे थप अनुसन्धान गरिरहेको जनाएको छ।
सम्बन्धित खबर
आजबाट तिहार सुरु, यमपञ्चकको पहिलो दिन काग तिहार मनाईदै
काठमाडौँ । कार्तिक कृष्ण त्रयोदशीदेखि सुरु हुने नेपालीको दोस्रो ठूलो चाड यमपञ्चक अर्थात् तिहार आजदेखि सुरु हुँदैछ । बिहान सूर्योदयकालमा त्रयोदशी भएको आज काग तिहार मनाउनुपर्ने निर्णय गरिएको नेपाल पञ्चाङ्ग निर्णायक विकास...
अछाममा जीप दुर्घटना, दुई जनाको मृत्यु
अछाम । अछामको पञ्चदेवल विनायक नगरपालिका–४ मा भएको जीप दुर्घटनाले दुई जनाको ज्यान गएको छ भने तीन जना घाइते भएका छन्।
शुक्रबार साँझ मध्यपहाडी लोकमार्गमा गुडिरहेको जीप अचानक अनियन्त्रित भई सडकबाट करिब २०० मिटर तल खस्द...
उत्कृष्ट सेवाका लागि डिआइजी ओम अधिकारी र एसएसपी नवराज अधिकारीलाई सम्मान
पब्जी खेलेरै ‘किलर वाईटी’ ले परिवारलाई दिएको खुसी
विवाद चर्किएपछि एमालेले फिर्ता गर्यो मीनबहादुरको जग्गा प्रस्ताव
सत्तारूढ दल नेपाल कम्युनिष्ट पार्टी (एमाले) ले व्यवसायी मीनबहादुर गुरूङ बाट प्राप्त जग्गा सहयोगको प्रस्ताव धन्यवादसहित फिर्ता गर्ने तयारी गरेको छ। सोमबार बसेको सचिवालय...
