रास्वपामा पदाधिकारी चयनको प्रतिस्पर्धा रोचक, उपसभापतिमा स्वर्णिम निर्विरोध हुने निश्चितजस्तै

चितवन, १२ असार : राष्ट्रिय स्वतन्त्र पार्टी (रास्वपा) को प्रथम राष्ट्रिय महाधिवेशनअन्तर्गत पदाधिकारी चयनका लागि दोस्रो चरणको निर्वाचन रोचक बनेको छ। खुला उपसभापति पदमा डा. स्वर्णिम वाग्लेको मात्र उम्मेदवारी परेपछि उहाँ निर्विरोध निर्वाचित हुने निश्चितजस्तै भएको छ।

महिला उपसभापति पदका लागि भने सोविता गौतम र डा. तोसिमा कार्कीबीच प्रत्यक्ष प्रतिस्पर्धा हुने भएको छ।

महामन्त्री पदका लागि सुरुआतमा १० जनाले उम्मेदवारी दिएका थिए। उम्मेदवारहरूमा निवर्तमान महामन्त्री कविन्द्र बुर्लाकोटी, प्रमोद न्यौपाने, राजुनाथ पाण्डे, मनिष झा, जगदीश खरेल (ललितपुर), रञ्जु दर्शना, गणेश कार्की, गणेश पराजुली, सागर ढकाल र विपिनकुमार आचार्य रहेका थिए। तर अन्तिम समयमा बुर्लाकोटी र जगदीश खरेलले उम्मेदवारी फिर्ता लिएको घोषणा गरेका छन्।

दुई सहमहामन्त्री पदका लागि ११ जनाको प्रतिस्पर्धा कायम छ। उम्मेदवारमा रमेश प्रसाईं, यज्ञमणि न्यौपाने, सुलभ खरेल, असिम शाह, अशोककुमार चौधरी, मिलन लिम्बु, पुकार बम, राजीव खत्री, विजय जैरु, हरि ढकाल र हिमेश पन्त रहेका छन्।

महिला सहमहामन्त्री पदका लागि जुली यादव, जमुना शर्मा, कामिनीकुमारी चौधरी, निशा डाँगी र रिमा विश्वकर्माले उम्मेदवारी दिएका छन्।

पार्टीका अनुसार खुला उपसभापति बाहेक अन्य सबै पदमा आवश्यकभन्दा बढी उम्मेदवारी परेकाले सहमतिबाट नेतृत्व चयन गर्ने प्रयास जारी छ। सहमति हुन नसके निर्वाचनमार्फत पदाधिकारी चयन गरिनेछ।

रास्वपाको विधानअनुसार पहिलो चरणमा निर्वाचित ९९ जना केन्द्रीय सदस्यले मात्र दोस्रो चरणको निर्वाचनमा मतदान गर्न पाउने व्यवस्था छ।

पार्टी निर्वाचन आयोगका प्रमुख भुवन केसीले पदाधिकारी चयनका लागि सहमतिको प्रयास भइरहेको जानकारी आएको भए पनि आयोगले निर्वाचनका लागि आवश्यक सम्पूर्ण तयारी पूरा गरिरहेको बताएका छन्।

एक्सप्रेस

सम्बन्धित खबर

आज विधायन व्यवस्थापन समितिको बैठक बस्दै

काठमाडौँ । राष्ट्रिय सभा अन्तरगत आज विधायन व्यवस्थापन समितिको बैठक बस्ने तय भएको छ । मंगलबार समितिको १४१ औँ बैठक बिहान ११ः३० बजे समितिको बैठक कक्षमा बस्न लागिएको हो । आजको बैठकमा चलचित्र विधेयक, २०८१ मा सरोकारवालासँग छ...

प्रतिनिधिसभा निर्वाचन : प्रस्तावित आचारसंहितामा यस्तो छ सवारीसाधन प्रयोग गर्ने व्यवस्था

काठमाडौँ । आगामी फागुन २१ गतेका लागि तय भएको प्रतिनिधिसभा सदस्य निर्वाचनका लागि निर्वाचन आयोगले तयार पारेको प्रस्तावित आचारसंहितामा अनुमति नलिइकन कुनै पनि उम्मेदवारले सवारीसाधनको प्रयोग गर्न नपाउने व्यवस्था प्रस्ताव गरिएको छ । अनुमति पाएको सवारीसा...

केपी ओलीको विकल्पमा आइन् विद्या भण्डारी

आफू एमालेको राजनीतिमा फर्कने घोषणा गर्दा हलले गरेको साथ देखेर उत्साहित पूर्वराष्ट्रपति भण्डारीले मदनकै शब्द सापटी लिएर केही संकल्प पनि गरेकी छन् ‘अब म नेकपा एमाले परिवारको एक सदस्यको रुपमा पुन: जोडिएको छु, र यसमा म गर्व गर्दछु । मेरो कुनै विशिष्ट महत...