उत्तरी चीनमा रहेको एक कोइला खानीमा भएको भीषण ग्यास वस्फिोटमा कम्तमिा ८२ जनाको मृत्यु भएको छ भने नौ जना अझै बेपत्ता रहेका छन्। चीनको सरकारी सञ्चारमाध्यमले उक्त जानकारी सार्वजनकि गरेको हो।

समाचार एजेन्सी सिन्ह्वाका अनुसार शान्सी प्रान्तस्थित टोङ्झाउ समूहअन्तर्गतको लिउशेन्यु कोइला खानीमा शुक्रबार साँझ स्थानीय समयअनुसार ७:२९ बजे विस्फोट भएको थियो। दुर्घटनाका बेला खानीभित्र २४७ जना कामदार कार्यरत रहेको बताइएको छ।

घटनापछि ठूलो संख्यामा उद्धार टोली परिचालन गरिएको छ। चीनको आपतकालीन व्यवस्थापन मन्त्रालयले उद्धार तथा खोजी कार्यलाई तीव्र बनाउन ३४५ जना उद्धारकर्मी घटनास्थलमा पठाइएको जनाएको छ।

राज्य सञ्चालित सञ्चारमाध्यमहरूले सार्वजनिक गरेको दृश्यमा घटनास्थलमा उद्धारकर्मी, स्वास्थ्यकर्मी तथा सुरक्षाकर्मीहरूको बाक्लो उपस्थिति देखिएको छ। बेपत्ता कामदारहरूको खोजी कार्य अझै जारी रहेको अधिकारीहरूले बताएका छन्।

चीनमा सन् २००० को दशकको सुरुवाततिर कोइला खानी दुर्घटनाहरू सामान्य मानिन्थ्यो। पछिल्ला वर्षहरूमा भने सरकारले सुरक्षा मापदण्ड कडा बनाएपछि यस्ता घटनामा कमी आएको बताइन्छ।